Казахстан Монголд малын вакцин нийлүүлэхэд бэлэн байна

Казахстан, Монголын ерөнхийлөгчид хэвлэл мэдээллийн төлөөлөгчдөд хамтарсан мэдээлэл хийлээ хэмээн Казинформ агентлаг хэвлэлийн албаны мэдээг иш татан мэдээлэв.

Казахстаны Ерөнхийлөгч Касым-Жомарт Токаев хэлсэн үгэндээ Монгол Улстай хамтран ажиллах чиглэлүүдэд онцгой анхаарал хандуулав.

"Манай улсууд асар их байгалийн баялагтай. Казахстан улс геологи хайгуул, газрын хэвлийг хөгжүүлэх зэрэг уул уурхайн салбарт арвин туршлагатай. Бид энэ салбарыг хөгжүүлэхэд хүчээ нэгтгэхэд бэлэн байна."

Хөдөө аж ахуйн салбарыг шинэчлэх, мал аж ахуйг дэмжих нь манай үндэстнүүдийн хувьд нэн чухал асуудал юм. Одоогийн байдлаар малын гаралтай бүтээгдэхүүн олон улсын аюулгүй байдлын стандартыг хангасан эсэхийг баталгаажуулах нь чухал юм. Казахстан улс фермийн малыг өвчнөөс хамгаалах үр дүнтэй вакцин үйлдвэрлэж эхэлсэн. Бид дотоодын вакцинаа Монголд нийлүүлэх сонирхолтой байгаа бөгөөд ирээдүйд хамтарсан үйлдвэр нээх боломжийг судалж байна.

Манай улс дижитал хөгжилд онцгой анхаарал хандуулдаг. Энэ бол Казахстаны ирээдүй, дэлхийн өрсөлдөөнд эзлэх байр суурийг тодорхойлдог стратегийн чиглэл юм. Өнөөдөр Ерөнхийлөгч У.Хүрэлсүх Alem.AI Олон Улсын Төв болон Ухаалаг Хотын Хяналтын Төвд зочилно. Манай хоёр улс дижиталчлалын салбарт хамтын ажиллагааг хөгжүүлэх сонирхолтой байна” гэж  Төрийн тэргүүн хэлэв.