12 настай North West-ийн шинэ үсний өнгө, чимэглэлүүд олны анхаарлыг татав

North West анхны “N0rth4evr” цомгоо гаргаснаар уран бүтээлийн шинэ үе шат руу орж, үсний чимэглэлийн шинэлэг хэв маягаараа олны анхааралыг татжээ. Тэрбээр 2013 онд төрсөн бөгөөд одоо 12 настай бөгөөд Kim Kardashian болон Kanye West нарын охин юм.

Сүүлийн жилүүдэд Y2K хэв маяг дахин тренд болж, үсний эрдэнийн чулуу, од хэлбэртэй хавчаар, метал хэв маяг болон ретро чимэглэлүүд эргэн дэлгэрч байгаа. North West үсэндээ хийсэн хадаасан чимэглэлээрээ олны анхаарлыг татлаа.

Өнгөрсөн амралтын өдрүүдэд тэрээр АНУ-ын Los Angeles хотод цомгийнхоо нээлтийг тэмдэглэх үеэр олны өмнө гарч ирсэн бөгөөд цэнхэр үсээ мөнгөлөг хадаастай чимэглэлээр тодотгожээ. Түүний энэхүү төрх нь толгойн орой болон нүүрний дагуу байрласан хурц хэлбэртэй чимэглэлээрээ онцлог байв.

Мөн өөрийн Instagram хуудсандаа энэхүү хэв маягаа ойроос харуулсан селфи зургууд нийтэлж, ижил элемент бүхий маникюр болон готик өнгө аястай хувцаслалтаар төрхөө бүрдүүлсэн нь шүтэн бишрэгчдийн анхаарлыг татаж байна.

Ийнхүү North West залуу наснаасаа эхлэн загвар, гоо сайхны чиг хандлагад нөлөөлж, шинэ үеийн тренд тодорхойлогчдын нэг болж байна.