АНУ Ираны эргийн цэргийн байгууламжуудыг бөмбөгдөв

АНУ болон Ираны хооронд дайны байдал тогтворгүй, гал зогсоох хэлэлцээр үргэлжилж байгаа энэ үед хоёр тал 6-ны өдөр буюу өнөөдөр дахин цэргийн дайралт хийлээ.

Ираны Исламын Хувьсгалт Гвардийн Корпус (IRGC) мэдэгдэлдээ, АНУ-ын дайралтын хариуд Кувейт, Бахрейн дахь АНУ-ын цэргийн баазуудад баллистик пуужингаар халдсан гэж мэдэгдэв.

IRGC мөн Ормузын хоолойгоор нэвтрэхийг завдсан дөрвөн газрын тосны тээвэрлэгч хөлөг онгоц руу зөвшөөрөлгүйгээр гал нээсэн гэж мэдээлсэн.

Ойрхи Дорнод дахь АНУ-ын хүчнийг хянадаг АНУ-ын Төв командлал мөн өдөр X-д байршуулсан постоор IRGC-ийн мэдэгдлийг хэсэгчлэн баталгаажууллаа. 

"АНУ-ын Төв командлал Ормузын хоолой руу харвасан Ираны дөрвөн нисгэгчгүй онгоцыг буудсанаас хэдхэн цагийн дараа Иран Кувейт, Бахрейн руу долоон баллистик пуужин харвасан" гэж мэдэгджээ.

Төв командлалын мэдэгдэлд дурдсанаар, АНУ-ын хүчин Ираны дөрвөн нисгэгчгүй онгоцыг буудсаны дараа Ираны далайн дайралтаас хамгаалахын тулд Горук, Гешум арлууд дээрх Ираны эргийн хяналтын радарын баазуудад цохилт өгсөн байна.
АНУ болон Ираны мэдэгдлүүдийг нэгтгэн дүгнэхэд хоёр талын мөргөлдөөн нь Ираны Ормузын хоолойд газрын тос тээвэрлэгч хөлөг онгоц руу хийсэн халдлагаас үүдэлтэй гэж үзэж байна.

АНУ-ын хүчин Ираны харвасан нисгэгчгүй онгоцыг буудаж унагааж, халдлагын эх үүсвэр болсон эргийн баазуудад цохилт өгсний дараа Иран Кувейт, Бахрейн зэрэг хөрш орнууд дахь АНУ-ын цэргийн баазууд руу хариу цохилт өгөхийг оролдсон болохыг нотлох баримтууд харуулж байна.

АНУ-ын Төв командлал "Ираны харвасан долоон пуужингийн зургаа нь байгаа оносон бөгөөд үлдсэн нэг нь зорилтот цэгтээ хүрээгүй" гэж мэдэгдээд "АНУ-ын талын хохирол одоогоор бүртгэгдээгүй байна" гэж нэмж хэлэв. Төв командлал Иран Бахрейн дахь АНУ-ын Тавдугаар флотын төв байранд цохилт өгсөн гэсэн мэдээллийг үгүйсгэв.