Лиса Ferrari Testarossa загварын автомашин худалдан авчээ

BLACKPINK хамтлагийн гишүүн Лиса Ferrari-ийн сонгодог загварын автомашин худалдан авснаа харуулсан зураг нийтэлжээ.

Тэрбээр Даваа гарагт өөрийн сошиал хуудсандаа “MY NEW BABY” гэсэн тайлбартайгаар улаан өнгийн автомашины зураг хуваалцсан байна. Уг машин нь Ferrari брэндийн хамгийн алдартай сонгодог загваруудын нэг болох Ferrari Testarossa юм. 

Ferrari Testarossa нь шинэ үйлдвэрлэлээр зарагддаггүй сонгодог спорт машин бөгөөд зах зээл дээрх үнэ нь автомашины хадгалалт, засварын түвшнээс шалтгаалан ихээхэн хэлбэлздэг байна. Ерөнхийдөө уг загвар 120,000–250,000 ам.долларын хооронд үнэлэгддэг бол маш сайн хадгалагдсан, ховор хувилбарууд нь 300,000 ам.доллараас давж зарагдах тохиолдол бий. Энэ нь ойролцоогоор 400 саяас 1 тэрбум гаруй төгрөгтэй тэнцэх үнэ юм.

Лиса өмнө нь ч хэд хэдэн үнэтэй автомашин унадаг талаар мэдээлэгдэж, тансаг хэрэглээгээрээ олны анхаарлыг татсаар ирсэн.

Мөн 2023 онд Сөүл хотын Сеонбук-дон дүүрэгт байрлах 7.5 тэрбум воны (ойролцоогоор 5 сая ам.доллар) үнэтэй тансаг байшин худалдан авч байсан нь мэдээлэгдэж байв. Тус үл хөдлөх хөрөнгө нь нэг подвал, хоёр давхар бүхий дан байшин аж.