ЗӨВЛӨГӨӨ: Эмч нар зүрхний өвчин тусах эрсдэлтэй долоон төрлийн хоол хүнс хэрэглэхдээ болгоомжтой байхыг анхааруулжээ

Times of India сонины мэдээлснээр эмч нар зайлсхийх ёстой долоон төрлийн хоол хүнсийг танилцуулжээ.

Эмч нарын дурдсан эхний хүнс бол "элсэн чихэр ихтэй ундаа" байв. Үүнд хийжүүлсэн ундаа, мөстэй цай, жимсний шүүс багтаж байна. Ийм төрлийн ундааг байнга хэрэглэх нь жин нэмэх, чихрийн шижин, зүрхний өвчин зэрэг эрсдэлд өртөхөд хүргэдэг.

Боловсруулсан махыг мөн болгоомжтой хэрэглэх ёстой хүнсний жагсаалтад оруулсан. Натри ихтэй боловсруулсан махыг заримдаа хоолны дуршилтай харагдуулахын тулд будагч бодис нэмдэг. Энэ үйл явц нь орц найрлагыг нь өөрчилж чаддаг тул жирэмсэн эмэгтэйчүүд, ахмад настан зэрэг дархлаа суларсан хүмүүс халаасны дараа хэрэглэхийг зөвлөж байна.

Аягатай гоймон, бэлэн хоолыг мөн зайлсхийх ёстой хүнсний бүтээгдэхүүн болгон сонгосон байна. Эмч нар эрүүл мэндэд хортой гэдгийг онцолсон.

Америкийн Зүрхний Холбоо (AHA) хөлдөөсөн пицца, бэлэн гоймонг хэт боловсруулсан хүнсний бүтээгдэхүүн гэж ангилж, натри, эрүүл бус өөх тос ихтэй гэсэн анхааруулга гаргажээ.

Анхаарах ёстой тав, зургаа дахь хүнс нь тус тус төмсний чипс болон амттан байв. Төмсний чипс нь зөвхөн натри ихтэй төдийгүй цэвэршүүлсэн нүүрс ус, өөх тосны хослолыг агуулдаг бөгөөд энэ нь хэт их идэхэд хүргэдэг. Амттаны хувьд чихэрлэг амтанд ашигладаг нэмэлт элсэн чихэрээс болгоомжлох хэрэгтэй.

Тараг нь эцсийн хоол хүнс гэж дурдсан. Тараг нь ерөнхийдөө эрүүл хоол хүнс гэж нэрлэгддэг ч эмч нар жимсний амттай тараг нь их хэмжээний элсэн чихэр агуулдаг тул эрүүл сонголт биш гэж тайлбарласан. Эмч нар эрүүл хооллолтын зуршил болгон энгийн тарагт шинэхэн жимс идэхийг зөвлөж байна.