Солонгост үйлдвэрлэлийн ослоор Монгол эмэгтэй харамсалтайгаар амиа алджээ

Өнгөрсөн сарын 27 буюу баасан гарагт Солонгосын Өмнөд Жолла Ёнгам хотын Дэбул төмрийн аж үйлдвэрийн цогцолборт осол болж 40 орчим насны Монгол эмэгтэй харамсалтайгаар амиа алджээ.

Осол болох үед хоолой зөөхөд ашиглаж байсан краны аюулгүй ажиллагаа алдагдаж эмэгтэйн хэвлийн хэсгийг цохисоны улмаас газар дээр нас барсан байна.

Цагдаагийн газраас краны аюулгүй ажиллагааны үед ажилтны хяналт, хүндийн төвийг шалгах зэрэг аюулгүй ажиллагааны дүрэм журмыг дагаж мөрдсөн эсэхийг шалгаж байгаа ба тухайн аж үйлдвэрийн цогцолборт сүүлийн жил хагасын дотор 14 хүн үйлдвэрлэлийн ослоор нас баржээ.