Хятадын марафон гүйгч, "Чен авга ах" хочит тамхичин Чен Баншянь

Хятадын марафон гүйгч, "Чен авга ах" хочит Чен Баншянь 2022 оны Сямэнь марафонд 3 цаг 28 минутад уралдааны үеэр тамхи татаад гүйж байгаа зураг нь интернет орчинд тархаж, олны анхаарлыг татаж байлаа.

Зураг дээр тэрбээр 50 настай байхдаа 42.2 км зайд гүйж байхдаа тамхи татаж буй түүний үзүүлбэр олон хүнийг гайхшруулсан ч эрүүл мэндийн мэргэжилтнүүд тамхи татах нь аюулгүй эсвэл ашигтай биш гэдгийг онцолж, бие бялдрын чийрэгжилтийн түвшингээс үл хамааран тамхи хортой хэвээр байгааг онцолжээ.

Үүнээс хойш 2024 оны 1 сард болсон Сяньмэний марафонд гүйхдээ тэрбээр 52 настай байсан бөгөөд тус тэмцээний үеэр тамхи татахыг хориглосон шинэ дүрмийг зөрчсөн тул тэмцээнээс хасагдаж, гүйх эрхээ 2 жилээр хасуулжээ.

Хамгийн хачирхалтай нь тэрбээр жирийн үед тамхи татдаггүй бөгөөд зөвхөн марафонд гүйж байхдаа л тамхи татдаг гэдгээ хэлж байжээ. Гүйх явцад тамхи татах нь түүнийг ядархаас сэргийлж, хурдаа жигд хадгалахад тусалдаг гэж үздэг байна. Гэвч энэ үйлдэл нь бусад гүйгчдэд дам тамхидалтын сөрөг нөлөө үзүүлдэг тул маш их шүүмжлэл дагуулдаг байна.

Тэрбээр 42 км-ийн үндсэн зайд дараах өндөр амжилтуудыг үзүүлж байв.

• 2018 оны Гуанжоугийн марафон 3 цаг 36 минут
• 2019 оны Сяньмэний марафон 3 цаг 32 минут
• 2022 оны Синьанзяны марафон 3 цаг 28 минут 45 секунд энэ нь түүний хувийн дээд амжилт бөгөөд 1500 гүйгчээс 574-р байранд орсон байна.

Чен Баншянь (Chen Bangxian) одоо өөрийн төрсөн нутаг болох Хятадын Жэжян мужийн Тайжоу хотод амьдарч байна. Тэрбээр зүгээр нэг сонирхогч биш бөгөөд өөрийн хотдоо "Жэжян Шяньжу замын гүйлтийн холбоо" (Zhejiang Xianju Road Running Association) болон "Жэжян мужийн марафон"-ыг хамтран үүсгэн байгуулж, орон нутгийнхаа гүйлтийн спортыг хөгжүүлэхэд идэвхтэй оролцдог.

Чен зөвхөн марафоноос гадна 50 км-ээс дээш зайн хэт холын уралдаан (ултрамарафон) болон 12 цагийн тасралтгүй гүйлтийн тэмцээнүүдэд оролцдог маш өндөр тэсвэр тэвчээртэй тамирчин юм.

Сяньмэний марафоноос авсан 2 жилийн хориг нь 2026 оны 1-р сард дуусгавар болсон. Гэвч Хятадын Хөнгөн Атлетикийн Холбоо бүх марафонд тамхи татахыг албан ёсоор хориглосон тул тэрбээр цаашид албан ёсны тэмцээнд гүйхийг хүсвэл тамхиа хаях эсвэл гүйж байхдаа тамхи татахаа болихоос өөр сонголтгүй болоод байна.