Мотоциклтой эмэгтэйг мөргөсөн автобусны жолоочийг ажлаас нь чөлөөлжээ

Долоодугаар сарын 31-ний өдөр автобусны жолооч замын хөдөлгөөнд оролцох үедээ зөрчил гаргасан тул сахилгын хариуцлага тооцон ажлаас нь чөлөөлжээ.

Тодруулбал, Зөвшөөрөгдсөн гэрлэн дохио асахыг хүлээж зогссон мотоциклтой эмэгтэйг автобус мөргөсөн зөрчил гарч, олон нийтийн сүлжээнд цацагдсан. Улмаар Төрийн болон орон нутгийн өмчийн тухай хууль, Хөдөлмөрийн тухай хуулийн 123.2.5 дахь заалт, MNS 5012:2026 "Зорчигч тээвэрлэлт. Ангилал ба ерөнхий шаардлага" стандарт болон байгууллагын Хөдөлмөрийн дотоод журмыг үндэслэн Сахилгын арга хэмжээ тооцох хурлын шийдвэрийг тус тус үндэслэн автобусны жолоочийн хөдөлмөрийн гэрээг цуцалжээ.