"Автомашингүй өдөр" арга хэмжээний үеэр нийтийн тээврийн 43 чиглэлд түр хугацаанд өөрчлөлт орно

Улаанбаатар хотод “Автомашингүй өдөр”-ийг 14 дэх жилдээ зохион байгуулж байна. Энэ жилийн арга хэмжээ 2026 оны есдүгээр сарын 26-ны өдөр болно.

Үүнтэй холбоотойгоор иргэдийн зорчих эрэлт хэрэгцээг хангах, нийтийн тээврийн үйлчилгээг хэвийн үргэлжлүүлэх зорилгоор арга хэмжээний өдөр 43 чиглэлийн 448 тээврийн хэрэгслийн замналд түр хугацааны өөрчлөлт оруулахаар төлөвлөжээ.

Замналын түр өөрчлөлтийг “Автомашингүй өдөр”-ийн хүрээнд хэрэгжүүлэх замын хөдөлгөөний зохицуулалттай уялдуулан хийх бөгөөд иргэдийг нийтийн тээврээр зорчихдоо тухайн өдөр чиглэлийн өөрчлөлтөд анхаарч, мэдээллийг урьдчилан авахыг зөвлөж байна.

“Автомашингүй өдөр”-өөр нийтийн тээврийн үйлчилгээг тасалдуулахгүйгээр иргэдийн зорчих хэрэгцээг хангахад чиглэсэн зохицуулалтыг хэрэгжүүлэх юм.