ЧУУЛГАН: "Төрөө хямралаас гаргасан уу, түмнээ ядуурлаас аварсан уу" сэдвээр УИХ дахь АН-ын бүлгийн гишүүд Ерөнхий сайдтай мэтгэлцэнэ

УИХ-ын нэгдсэн чуулган өнөөдөр (2026.09.25) 10:00 цагаас эхэлнэ. Өнөөдрийн хуралдаанаар дараах асуудлуудыг хэлэлцэхээр төлөвлөжээ.

Тодруулбал, 

-Олон Улсын Хөдөлмөрийн Байгууллагын “Аж үйлдвэр болон худалдаан дахь хөдөлмөрийн хяналтын тухай” 81 дүгээр конвенц соёрхон батлах тухай хуулийн төсөл / Засгийн газар 2026.06.18-ны өдөр өргөн мэдүүлсэн, зөвшилцөх, хэлэлцүүлэх /

-Олон Улсын Хөдөлмөрийн Байгууллагын “Хөдөө аж ахуй дахь хөдөлмөрийн хяналтын тухай” 129 дүгээр конвенц соёрхон батлах тухай хуулийн төсөл / Засгийн газар 2026.06.18-ны өдөр өргөн мэдүүлсэн, зөвшилцөх, хэлэлцүүлэх /

-Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт, өөрчлөлт оруулах тухай хуулийн төсөл / УИХ-ын гишүүн Б.Пүрэвдорж 2026.07.02-ны өдөр өргөн мэдүүлсэн, хэлэлцэх эсэх , асуулт асуух хугацаа 60 минут /

-Улсын Их Хурлын асуулгын цаг - "Төрөө хямралаас гаргасан уу, түмнээ ядуурлаас аварсан уу" сэдвээр УИХ дахь АН-ын бүлгийн гишүүд Ерөнхий сайдтай мэтгэлцэнэ.