Түрээслээд өмчлөх орон сууц "Солонго 1, 2" төсөлд яаж бүртгүүлэх вэ?

Өнөөдрийн байдлаар аравдугаар сарын 10-нд эхлэхээр төлөвлөж байсан бүртгэл хойшилсон. Одоогоор тов тодорхой болоогүй байна. 

ХААНА, ЯАЖ БҮРТГҮҮЛЭХ

Төрийн Орон Сууцны Корпорцийн мэдээлснээр, бүртгэлийг tosk.gov.mn гэсэн цахим хуудсаар авч, E-Mongolia ДАН системээр иргэдийг баталгаажуулна.

Бүртгэл эхлэхэд:

1-р алхам: https://tosk.gov.mn сайтад орж, “Солонго 1, 2”-ын бүртгэлийн зарыг нээнэ.

2-р алхам: Зар дээрх албан ёсны бүртгэлийн холбоосоор орж, ДАН-аар өөрийгөө баталгаажуулна.

3-р алхам: Системийн зааврын дагуу мэдээллээ бөглөнө.

4-р алхам: Төрийн мэдээллийн сангаас өөрийн мэдээллийг авах зөвшөөрлөө өгнө. Гэр бүлийн гишүүний зөвшөөрөл шаардвал тухайн хүн мөн баталгаажуулна.

5-р алхам: Хүсэлтээ илгээж, амжилттай илгээгдсэн эсэхийг шалгана.

ИРГЭН ТА ЮУ БЭЛДЭХ ВЭ

• Регистрийн дугаар, өөрийн нэр дээрх утасны дугаар, цахим шуудангийн хаяг

• “E-Mongolia” ДАН системд нэвтэрч чадаж байгаа эсэхээ урьдчилан шалгах

• Оршин суугаа хаяг, ам бүл, гэрлэлтийн бүртгэл, нийгмийн даатгалын мэдээллээ нягтлах

• Хэрэв та хувиараа хөдөлмөр эрхэлдэг бол орлогоо нотлох баримтаа бэлдэээрэй. Орлого нотлох баримтыг ХУР системээс тодорхойлох боломжгүй үед баримт хавсаргахаар журамд заасан байдаг.

• Иргэний үнэмлэхийн лавлагаа 

• Ошин суугаа хаягын тодорхойлт 

• Ам бүлийн тодорхойлт 

• Үл хөдлөх хөрөнгийн лавлагаа 

• Зээлийн лавлагаа 

• Нийгмийн даатгалын шимтгэл төлдөг эсэх тодорхойлт зэрэг лавлагааг зөвшөөрлийн дагуу ХУР системээс авна. 

“Улаанбаатар хотод байнга оршин суудаг байх” шаардлагатай тул хөдөө орон нутгийн иргэд хамрагдах боломжгүйг анхаарна уу.