Өчигдөр 4 баавгайг агнаж, 2 баавгайг үргээж явуулжээ

Байгаль орчин, уур амьсгалын өөрчлөлтийн яаманд аравдугаар сарын 18-ны 08:00 цагаас 19-ний 08:00 цаг хүртэлх хугацаанд хүрэн баавгайн тухай 16 дуудлага бүртгэсэн байна.

Үүнийг ангилбал:

• Нийслэлийн Сүхбаатар дүүргийн нутаг дэвсгэрт-2,
• Увс аймаг-1,
• Хөвсгөл аймаг-10,
• Хэнтий аймаг-2,
• Завхан аймаг-1

Улсын хэмжээнд айл өрхүүдийн ойролцоо ирсэн 4 баавгайг агнасан бол 2 баавгайг үргээж, суурьшлын бүсээс гаргаж мод руу явуулжээ. 6 дуудлага мэдээллийн дагуу орон нутгийн шуурхай баг эрэн хайх ажиллагаа явуулж байна.

Харин нийслэл болон орон нутагт бүртгэсэн 4 дуудлага батлагдаагүй байна. Энэ нь хүмүүс худал мэдээлэл өгсөн гэсэн үг аж.