Ирэх сард хоёр удаа бүх нийтээр амарна

Ирэх арваннэгдүгээр сард Монгол Улсын хэмжээнд бүх нийтээр тэмдэглэх баярын өдрүүд тохиож, хоёр удаа амарна.

Тодруулбал, арваннэгдүгээр сарын 10-ны мягмар гарагт Их эзэн Чингис хааны мэндэлсэн өдөр буюу “Монгол бахархлын өдөр” тохионо. Уг өдрийг билгийн тооллын өвлийн тэргүүн сарын шинийн нэгэнд тэмдэглэдэг уламжлалтай. 

Мөн арваннэгдүгээр сарын 26-ны пүрэв гарагт Бүгд Найрамдах Улс тунхагласан өдөр тохиож, бүх нийтээр амрах юм.