"Цайны цаг" гэх шалтгаанаар олноороо нэг талд гарч зогссон автобусны жолооч нарыг 25,000 төгрөгөөр торгожээ

Баянхошууны эцэст автобус нэг талдаа гарч, цайны цаг хэмээн олноороо зэрэг зогсож, иргэдэд чирэгдэл учруулж байгаа талаарх мэдээлэл аравдугаар сарын 23-нд олон нийтийн сүлжээнд цацагдсан.

Мэдээллийн мөрөөр Нийтийн тээврийн бодлогын газрын Авто тээврийн хяналтын байцаагч нар шалгалт хийж, жолооч нарын буруутай болохыг тогтоожээ.

Улмаар Зөрчлийн тухай хуулийн 6.9-д заасны дагуу хорин таван нэгжтэй тэнцэх хэмжээний төгрөгөөр торгож, дахин зөрчил гаргахгүй байхыг хатуу сануулж, зөрчлөө давтсан тохиолдолд Хөдөлмөрийн гэрээг цуцлах хүртэл арга хэмжээ авахыг сануулсан байна.