Батлан хамгаалах, Зэвсэгт хүчний нэгтгэл анги, байгууллагын офицер, ахлагч, ажилтан албан хаагч, ахмадуудыг шагналаа

Монгол цэргийн өдөр, орчин цагийн Зэвсэгт хүчин үүсэж хөгжсөний 103 жилийн ойг тохиолдуулан Батлан хамгаалах салбарт олон жил үр бүтээлтэй ажиллаж, Зэвсэгт хүчнийг хөгжүүлэн бэхжүүлэхэд хувь нэмэр оруулж, эрхэлсэн ажилдаа идэвх зүтгэл гарган ажиллаж байгаа Батлан хамгаалах, Зэвсэгт хүчний нэгтгэл анги, байгууллагын офицер, ахлагч, ажилтан албан хаагч, ахмадуудад Монгол Улсын төрийн одон медаль, салбарын шагнал гардуулах ажиллагаа өнөөдөр Офицеруудын ордонд боллоо.

Шагнал гардуулах ёслолын ажиллагаанд Зэвсэгт хүчний Жанжин штабын дарга хошууч генерал С.Ганбямба, Батлан хамгаалах яамны Төрийн нарийн бичгийн дарга бригадын генерал Д.Ганхуяг нарын тэргүүтэй Батлан хамгаалах яам, ЗХЖШ-ын удирдлагууд оролцож, шагнал гардуулсан юм.

“Цэргийн гавьяаны улаан тугийн одон”-оор Батлан хамгаалахын төв архивын дарга дэд хурандаа Ж.Гантулга, ЗХЖШ-ын Мэдээллийн аюулгүй байдлын хэлтсийн дарга хурандаа Ж.Хоролсүрэн, ҮБХИС-ийн ахмад ажилтан, чөлөөнд байгаа хурандаа О.Ганбаатар, Зэвсэгт хүчний 150 дугаар ангийн гранатомётчин сургагч ахлагч Л.Болдбаатар нар, “Хөдөлмөрийн гавьяаны улаан тугийн одон”-оор “Бөртэ” ТӨААТҮГ-ын оёдолчин Д.Галбадрах, Цэргийн төв эмнэлгийн Мэс заслын тасгийн хагалгааны сувилагч Д.Нарангэрэл нар, “Цэргийн гавьяаны одон”-оор ҮБХИС-ийн Цэргийн нэгдсэн дээд сургуулийн Ерөнхий цэргийн тэнхимийн дарга хурандаа Д.Цолмонбаяр, ЦТЭ-ийн Гэмтлийн эмнэлзүйн төвийн захирал-гэмтэл согог судлалын их эмч дэд хурандаа Д.Нямдорж, ЦДБЭЧ-ын Найрал дууны албаны дуучин ахлах ахлагч Г.Тэгчинжав, Зэвсэгт хүчний 124 дүгээр ангийн захирагч хурандаа Э.Наранбаатар нарын алба хаагчид, “Алтан гадас” одонгоор ЦТЭ-ийн Орон сууцны албаны үйлчлэгч С.Баттогтох нарын гурван алба хаагч, “Цэргийн хүндэт медаль”-иар Зэвсэгт хүчний “Алдар” спорт хорооны Үндэсний спортын албаны үндэсний спортын бүлгийн тамирчин ахлах ахлагч Д.Мөнхгэрэл, Зэвсэгт хүчний Хуурай замын цэргийн командлалын Сургалт бэлтгэлийн хэлтсийн сургалтын ахлах офицер дэд хурандаа Э.Энх-Отгон нарын арваад алба хаагч, “Хөдөлмөрийн хүндэт медаль”-иар ҮБХИС-ийн Цэргийн албаны хэлтсийн Суртал хүмүүжлийн албаны Соёлын төвийн үйлчлэгч Э.Цэцгээ, Зэвсэгт хүчний Нэгдсэн лабораторийн харуул Ш.Батмөнх нарын таван алба хаагчийг шагналаа.

Мөн “Батлан хамгаалахын тэргүүний ажилтан” хүндэт тэмдгээхр БХЯ-ны СХОХ-ийн дарга хурандаа Б.Оюунгэрэл, ЦЭТ-ийн Ерөнхий эмчилгээний тасгийн Арга зүйч ахлах ахлагч Г.Мишигмаа, ЦДБЭЧ-ын ЭСНХ-ийн албаны ахлах хөгжимчин сургагч ахлагч Ц.Отгонбаатар нар, БХЯ-ны “Хүндэт тэмдэг”-ээр ҮБХИС-ийн Эрдэм шинжилгээ, хамтын ажиллагаа хариуцсан дэд захирал хурандаа Б.Өлзийхуяг, БХЯ-ны “Хүндэт жуух бичиг”-ээр ЦТЭ-ийн Орон сууцны албаны үйлчлэгч К.Нарангэрэл, Багабаян-Энхийн төлөө цогцолбор төвийн Сургалт мэдээлэл, соёл олон нийтийн ажилтан Ч.Мягмарсүрэн нар болон “Дайчин алдар”, “Эх орны төлөө хүндэт тэмдэг” шагналуудаар нэр бүхий алба хаагчид шагнагдав.