"Гэртээ ганцаараа" яагаад хамгийн алдартай шинэ жилийн кино болсон бэ

 

Хамгийн их үзэлттэй шинэ жилийн кино бол яах аргайгүй 1990 оны "Home Alone". Энэ кино нь дэлхий даяар 476.7 сая ам.долларын орлого олж, шинэ жилийн сэдэвтэй хамгийн алдартай бүтээлүүдийн нэг болсон. Одоо ч шинэ жилийн баярыг энэ киногүйгээр төсөөлөх аргагүй мэт. Тэгвэл хэрхэн алдартай болсон бэ, яагаад энэ киног өнөөдрийг хүртэл үзсэн хэр нь уйддаггүй юм бол. Бас бидний мэдэхгүй олон сонирхолтой баримтууд байдгийг хүргэхээр бэлтгэлээ.

Хэрхэн бүх цаг үеийн хамгийн их үзэлттэй кино болсон бэ гэдгээс эхэлье.

1. ХҮҮХДҮҮДИЙН НУУЦ ХҮСЛИЙГ БИЕЛҮҮЛСЭН

Магадгүй та ч гэсэн багадаа гэртээ ганцаараа үлдэж, юу хүссэнээ хийж, хэнээс ч хараат бус байхыг хүсдэг байсан байх. Энэхүү кинонд гардагчлан асуудлаа өөрөө шийдэж, тулгарч буй бэрхшээлийг өөрийн төлөвлөснөөр даван туулж байгаа тухай гардаг. Энэ нь хүүхдийн дотоод нууцхан хүсэл, мөрөөдлийг илэрхийлдэг тул багачууд илүү сонирхон үздэг байна. 

2. ХАМГИЙН ГОЛ НЬ ХӨГЖИЛТЭЙ БАЙДАЛ

Хамгийн чухал зүйл нь мэдээж маш хөгжилтэй адал явдал гардаг. Кевин хэдий ганцаара аүлдсэн ч гэсэн гэрт нь нэвтэрсэн хулгайчдыг ёстой л болгож тавьдаг. Байнгын санаанд оромгүй саад бэрхшээлийг олон дахин гаргадаг, мөн жүжигчдийн чадварлаг харилцан яриа нь инээдмийн киноны гол зүйл.

3. КИНОНЫ ТӨГСГӨЛД ГАЙХАЛТАЙ ГЭР БҮЛИЙН ХАЙРЫГ МЭДЭРДЭГ

Ганцаараа үлдэж байдлыг гартаа авсан хүүгийн тухай өгүүлдэг ч гэсэн эцэст нь гэр бүлийн халуун дулаан уур амьсгал, тэдний үүрэг оролцоог мэдэрч буй тухай харуулдаг нь үзэгчдийн сэтгэлийг хангалуун үлдээсэн. Ингэснээр киноны, зохиолын нийтэд өгөх гэсэн санаа амжилттай хэрэгжиж байгаа юм. Эрх чөлөө байлаа ч хамгйин чухал нь хайр юм гэдгийг ойлгуулах мэт. 

Тэгвэл "Гэртээ ганцаараа" киноны тухай бид юуг мэдэхгүй вэ?

1. ТӨСӨВ

Энэхүү кинотой холоотой олон баримт байдаг. харин бидний төдийлөн мэддэггүй зүйлсийн нэг нь төсөв. Анх ердөө 18 сая ам.доллар байжээ. Гэвч кино нь дэлхий даяар 476.7 сая ам.долларын орлого олж, тухайн үеийн хамгийн их ашиг олсон инээдмийн кино болж байсан.

2. КЕВИНЫ ҮЗДЭГ КИНО ЖИНХЭНЭ БИШ

Кинонд гардаг "Angels with Filthy Souls" бол жинхэнэ кино биш. Хуучны хар цагаан гэмт хэргийн кино мэтээр харагддаг "Angels with Filthy Souls" нь бодит кино биш, зөвхөн "Гэртээ ганцаараа" кинонд зориулан хийгдсэн хуурамч клип аж.

3. ГЭРТ БОЛСОН ҮЙЛ ЯВДЛУУД БҮГД ТАЙЗАН ДЭЭР ХИЙГДСЭН

Кинонд гардаг гэр үнэндээ студид баригдсан. Киноны зураг авалтуудын ихэнх нь жинхэнэ байшин биш, харин Чикаго дахь студид барьсан засал байжээ. Ингэснээр хулгайчдаас хамгаалах хэсгүүдийг илүү амархан зохион байгуулах боломжтой болсон гэдэг.