Испанийн шигшээ баг Английн багийг өнгөрсөн Ням гарагт 2:1-ийн харьцаагаар буулган авснаар ХБНГУ-д болсон Европын хөлбөмбөгийн аварга шалгаруулах тэмцээн (ЕВРО-2024)-ий аварга болсон билээ.
DW-гийн мэдээлснээр, Берлин хотын Олимпын цэнгэлдэх хүрээлэнд болсон шувтаргын тоглолтын үеэр испаничууд онооны харьцааг нээж, Испанийн зүүн жигүүрийн довтлогч Нико Уильямс хоёрдугаар үеийн эхний минутад эсрэг багийн хаалганд гоол оруулсан.
Улмаар тоглолтын 73 дахь минутад Английн тамирчин Коул Палмер гоолдсоноор англичууд тооны харьцааг 1:1 болгож тэнцүүлсэн бол тоглолтын 86 дахь минутад Испанийн довтлогч Микель Оярсабаль хожлын гоолыг оруулсан. Ийн Испанийн шигшээ баг Европын аварга шалгаруулах тэмцээнд хамгийн олон буюу дөрвөн удаа түрүүлсэн амжилтын эзэд болсон.
“ЕВРО-2024” тэмцээний “Шилдэг тоглогч”-оор Испанийн хагас хамгаалагч Родри шалгарсан билээ.
Дэлхийн гэрэл зургийн агентлагууд “Евро 2024” тэмцээний торгон агшнуудыг түүх болгон, хальснаа буулган авч үлдсэн байна. Тодруулбал, “Getty Images”-ийн 50 гаруй шагналт гэрэл зурагчнаас бүрдсэн баг талбай дээр болон тайзны ард ажиллажээ.
Тэмцээний үеэр Getty 250 мянган гайхалтай зураг авч, 20 мянга нь финалынх аж. Эхний гоолын зургууд торонд орсноос хойш 46 секундын дотор нийтлэгдсэн байна.
Эх сурвалж: BBC, DW
Д.ТУЯА
I envy your piece of work, thanks for all the useful blog posts
I could not resist commenting Perfectly written!