Пүрэв гарагт өсвөр бөхийн барилдаан болно

Могой жилийн сар шинийн баярт зориулсан цуврал барилдааны эхнийх болох Өсвөрийн бөхийн барилдаан хоёрдугаар сарын 20-ны 12.30 цагаас Монгол бөхийн өргөөнд болно.

Барилдаан 11-12, 13-14, 15-16 гэсэн гурван насны ангиллаар явагдах бөгөөд барилдах бөхчүүдийг энэ сарын 20-ны өглөө 10:00 цагаас Монгол бөхийн өргөөнд бүртгэнэ.

Барилдах өсвөр бөхчүүд төрсний гэрчилгээ болон иргэний үнэмлэх, цээж зураг, бүртгэлийн хураамж 10.000 төгрөгтэй ирж бүртгүүлэх аж.

Үзэгчид тасалбараа www.shoppy.mn -ээс захиалан авах боломжтой.