О.Алтангэрэл: “Энержи ресурс“-тай хэлэлцээ хийхийг даалгасан тогтоолын төслийг УИХ-д өргөн барина

Засгийн газрын хуралдаанаар гаргасан шийдвэрийг танилцуулж байна. 

Энэ үеэр Хууль зүй, дотоод хэргийн сайд О.Алтангэрэл “Ашигт малтмалын тухай хуулийн 8 дугаар зүйлийн 1.7 дугаар хэсэг, Төрийн болон орон нутгийн өмчийн тухай хуулийн 8.1-ийг зөрчиж тодорхой ордыг стратегийн ач холбогдол бүхий ашигт малтмалын ордод хамааруулах тухай 2007 оны УИХ-ын тогтоолыг биелүүлэлгүйгээр Засгийн газар “Энержи Ресурс” компанийн хооронд байгуулсан Ашигт малтмалын тусгай зөвшөөрлийг шилжүүлэх тухай гэрээний холбогдох хэсгийг хуульд нийцүүлэн арга хэмжээ авахыг Ерөнхий сайд Л.Оюун-Эрдэнэд даалгах гэсэн утгатай тогтоолын төслийг УИХ-д өргөн мэдүүлэхээр шийдвэрлэлээ.

Өмнөговь аймаг дахь Ухаа худаг ордын ашигт малтмалын тусгай зөвшөөрөл эзэмшигч хуулийн этгээдтэй хэлэлцээ хийж Ашигт малтмалын тухай хуулийн 8 дугаар зүйлийн 1.7-д заасны дагуу УИХ-д өргөн мэдүүлэхийг Ерөнхий сайдад үүрэг болгосон заалт бүхий тогтоолын төслийг өргөн мэдүүлж, хэлэлцүүлж, шийдвэрлүүлэх нь зөв гэж үзлээ. Энэ тогтоолыг гаргах болсон үндэслэл нь УИХ-аар хэлэлцэн шийдвэрлэх ёстой, Засгийн газарт танилцуулах ёстой процесс зөрчигдсөн учраас стратегийн ач холбогдол бүхий энэхүү ордыг хэвийн хэвшилд эзэмшүүлснийг хуульд нийцүүлэх шаардлагатай байна. Үүнийг шийдвэрлэх эрх нь УИХ-д байгаа учраас тогтоол баталж, тогтоолоор олгогдсон эрх хэмжээний хүрээнд Засгийн газар тус аж ахуйн нэгжтэй хэлэлцээ хийж, төрийн эзэмшлийн хувь хэмжээг тогтоох нь зүйтэй гэж үзсэний үндсэн дээр боловсруулсан" гэлээ.