П.Батчулуун эмчид оноосон 2 жил 6 сарын хорих ялыг хэвээр үлдээжээ

Эрүүл мэндийн яамны Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан эмч П.Батчулууны давж заалдах шатны шүүх хурал өнөөдөр (2025.03.13) боллоо.

Улмаар түүнд оноосон 2 жил 6 сарын ялыг шүүхээс хэвээр үлдээх шийдвэр гаргажээ.

Тодруулбал, түүнийг хүний эд эрхтэнийг зөвшөөрөлгүй авсан үйлдэлд гэм буруутайд тооцон, өнгөрсөн нэгдүгээр сарын 20-ны өдөр шүүхээс 2 жил 6 сарын хорих ял оноосон байдаг. Өнөөдрийн шүүх хуралдаанаар эмч П.Батчулууны өмгөөллийн баг түүний хэргийг хэрэгсэхгүй болгох, цагаатгах байр сууринаас оролцсон ч давж заалдах шатны шүүх хүсэлтийг хүлээж авахаас татгалзсан байна.