Төсвийн тэнцвэржүүлсэн тэнцэл 565.8 тэрбум төгрөгийн алдагдалтай гарлаа

Улсын нэгдсэн төсвийн нийт орлого, тусламжийн хэмжээ 2025 оны эхний хоёр сарын урьдчилсан гүйцэтгэлээр 4.1 их наяд төгрөгт болж өмнөх оны мөн үеэс 1.2 (22.9%) их наяд төгрөг, тэнцвэржүүлсэн орлого тусламжийн хэмжээ 4.0 их наяд төгрөг болж, 1.1 (21.1%) их наяд төгрөгөөр тус тус буурсан байна.

Нийт зарлага, эргэж төлөгдөх цэвэр зээлийн хэмжээ 2025 оны эхний хоёр сард 4.6 их наяд төгрөгт хүрч, тэнцвэржүүлсэн тэнцэл /нэгдсэн төсвийн тэнцвэржүүлсэн орлого, нэгдсэн төсвийн нийт зарлагын зөрүү/ 565.8 тэрбум төгрөгийн алдагдалтай гарчээ.

Татварын нийт орлого 2025 оны эхний хоёр сард 3.8 их наяд төгрөгт хүрч, өмнөх оны мөн үеэс 1.1 (22.9%) их наяд төгрөгөөр буурахад орлогын албан татварын орлого 591.5 (30.3%) тэрбум төгрөг, нэмэгдсэн өртгийн албан татвар 119.8 (13.9 %) тэрбум төгрөг, ашигт малтмалын нөөц ашигласны төлбөр 542.2(65.5%) тэрбум төгрөгөөр буурсан нь нөлөөлжээ.

Харин нийгмийн даатгалын орлого 195.5 (34.8%) тэрбум төгрөг, гадаад үйл ажиллагааны орлого 32.5 (13.9%) тэрбум төгрөгөөр өсжээ.

Эх сурвалж: ҮСХ