Аюулт үзэгдэл, ослын тохиолдол өмнөх оноос 23.5 хувиар буурчээ

Аюулт үзэгдэл, ослын тохиолдол 2025 оны эхний хоёр сард 709 удаа бүртгэгдэж, өмнөх оны мөн үеэс 218 (23.5%)-аар буурчээ.

Тохиолдсон аюулт үзэгдэл, осолд 2025 оны эхний хоёр сарын байдлаар 966 хүн нэрвэгдэж, 28 хүн амь насаа алджээ. Мөн 9.7 тэрбум төгрөгийн хохирол учирчээ.

Дээрх хугацаанд тохиолдсон аюулт үзэгдэл, ослыг төрлөөр авч үзвэл, ус, цаг уурын гаралтай аюулт үзэгдэл есөн удаа, геологийн гаралтай аюулт үзэгдэл есөн удаа, биологийн гаралтай аюулт үзэгдэл гурван удаа, хүний үйл ажиллагаатай холбоотой осол 688 удаа тус тус бүртгэгдсэн аж.