4.1 магнитудын хүчтэй газар хөдлөлт боллоо

Өнөөдөр /2025.03.21/ 15:19:50 цагт газар зүйн байршил (Өргөрөг, Уртраг): 43.52 104.15 Өмнөговь аймгийн Ханхонгор сумын нутагт 4.1 магнитудын хүчтэй газар хөдлөлт боллоо. 

Газар хөдлөлтийн төвөөс ойр орших аймаг сумд:

Өмнөговь аймгийн Даланзадгад сумын төвөөс Баруун зүгт 23км

Өмнөговь аймгийн Хүрмэн сумын төвөөс Хойд зүгт 24км

Өмнөговь аймгийн Ханхонгор сумын төвөөс Баруун урд зүгт 38км зайтай байдаг аж.

Ташрамд, газар хөдлөлтийн хүчийг хоёр хэлбэрээр хэмждэг. Магнитуд нь хөрсөн доор, газар хөдөлж байгаа төв хэсгийг хэмждэг үзүүлэлт юм. Харин газрын хөрсөн дээр, хүнд болон барилга байгууламжид мэдрэгдэж байгааг баллаар хэмждэг. Шаталбар нь 12 хүртэл байдаг бөгөөд гурваас бага магнитудын газар хөдлөлт хүмүүст онцгой мэдрэгддэггүй бол 7-гоос дээш магнитуд хүрэхэд том талбай хамарсан сүйрэл болдог байна.

Тодруулбал, 1-3 баллын хүчтэй газар хөдлөхөд барилга доторх хүмүүс чичирхийллийг ялимгүй мэдэрч, тавиур дээрх аяга таваг, сав суулга бага зэрэг хөдөлнө.

Газар хөдлөлт 4-5 балл хүрэхэд хүмүүс сандарч, гэрлийн бүрхүүл зэрэг нь мэдэгдэхүйц чичирч, суурь муутай баримал, аяга таваг, сав суулга унах тохиолдол бий. Хүмүүсийн олонх нь айдас мэдэрдэг ажээ.

Харин 6-7 балл хүрэх чичирхийлэлд хүн хөл дээрээ зогсоход хэцүү болж, хаалга онгойхгүй, ханын хавтан цуурч, цонхны шил хагарч, гэрийн тавилга, эд юмс байрнаасаа хөдөлж, өнхөрч унадаг.

Эх сурвалж: ШУА-ийн Одон орон, геофизикийн хүрээлэн