Б.Дэлгэрсайхан “дебиль”-дэв

Засгийн газрын сайд нар үе үе “тэнэг” шийдвэр гаргадгаараа алдартай. Энэ удаа Зам тээврийн сайд Б.Дэлгэрсайханы гаргасан “дебиль” шийдвэрийг онцолж байна.

Зам тээврийн сайдын шуурхай хуралдаан өчигдөр (2025.04.07) яаманд болсон аж. Салбарын ажлын үр дүн тааруу байгаа талаар Б.Дэлгэрсайхан сайд шүүмжлээд лүндэн буулгасан юмдаг уу даа.

Тэрбээр энэ онд салбарт нь томоохон бүтээн байгуулалтын ажлууд эхлэх ёстой тул яамны газрын дарга нарыг гадагшаа томилолтоор явах, чөлөө хүсэх байдлыг хориглосон байгаа юм. Төсвийн мөнгөөр томилолт нэртэй утга учиргүй аялал зугаалгад цэг тавья гэж байгаа нь зөв. Харин чөлөө хүсэхгүй байхыг мөн лүндэгджээ.

Дарга, цэрэг, сайд байхаас үл хамаарч хүний л амьдрал болсон хойно жаргал, зовлон тохиож зайлшгүй тохиолдолд чөлөө авахаас аргагүй болдог зүйлс олон. Харин ард түмнийхээ амьдралаас тасарч, худлаа попорч яваа Б.Дэлгэрсайханы хувьд газрын дарга нар нь өвдөх эрхгүй, өвдсөн ч үхтлээ ажиллах ёстой юм байх.

Ар гэрт нь гачигдал гарсан ч сайд чөлөө өгөхгүй гэсэн гээд яамандаа сууж байх ёстой болж байгаа юм.

Хүний амьдралд тохиолдож болох эрээн барааныг амьдрал таниагүй сайд амныхаа зоргоор бурах нь тийм ч таатай сонсогдоогүй талаар яамныхан нь жиг жуг гэж байна.

Э.ТЭРГЭЛ