ХОМ: Ерөнхийлөгч У.Хүрэлсүх ₮500 саяын машин,  ₮561 саяын хадгаламжтай

Авлигатай тэмцэх газраас төрийн болон нийтийн албан тушаалтнуудын хөрөнгө орлогын мэдүүлгийг ил болголоо. 

Уг мэдээллээс Ерөнхийлөгч У.Хүрэлсүхийн хөрөнгө, орлогыг өмнөх жилийнхтэй харьцуулан харвал түүний өөрийнх нь орлого буурч, гэр бүлийн гишүүдийнх нь орлого нэмэгджээ. 

Тодруулбал, түүний жилийн орлого 2023 онд 124 сая 975 мянган төгрөг байсан бол 2024 онд 66 сая төгрөг болсон байна. 900 сая төгрөгийн хадгаламжтай байсан бол 2024 онд 561 сая 699 мянган төгрөг болж багасжээ.

Мөн хадгаламждаа 900 сая төгрөгтэй байсан бол 339 саяар буурч, 651 сая төгрөг болсон байна. Харин тэрбээр Mercedes Benz ML320 автомашинаа сайжруулж, Mercedes Benz, GLE 400 болгосон байгаа юм. 

Ерөнхийлөгч У.Хүрэлсүхийн хөрөнгө орлого: 

-Өөрийн орлого: 66 сая төгрөг /жилээр/

-Гэр бүлийн гишүүдийн орлого: 8.8 сая төгрөг /жилээр/

-Үл хөдлөх хөрөнгө: 162 сая төгрөг /орон сууц-1, зуслангийн байшин-1/

-Тээврийн хэрэгсэл: 501.7 сая төгрөг /Mercedes Benz, GLE 400- 1, Harley Davidson мотоцикл-1, Lexus, 570- 1/

-Үнэт эдлэл: 100 сая төгрөг

-Хадгаламж: 561.7 сая төгрөг гэж мэдүүлжээ. 

Мөн тэрбээр "Аялал жуулчлалын Илт Хан" ХХК-ийн 58 хувийг эзэмшиж байна. 

Дэлгэрэнгүй харах бол ЭНД дарна уу.