НИТХ 11:00 цагаас хуралдаж, автомашины татварын талаар хэлэлцэх байсан ч одоог хүртэл эхлээгүй байна

Нийслэлийн иргэдийн төлөөлөгчдийн хурлын ээлжит бус хуралдаан өнөөдөр (2024.11.29) 11.00 цагаас товлогдсон.

Хуралдаанаар агаарын бохирдлыг бууруулах чиглэлээр нийслэлийн хэмжээнд авч хэрэгжүүлж буй ажлын талаарх мэдээлэл, Улаанбаатар хотод цэвэр эрчим хүчний эх үүсвэрийг нэвтрүүлж, хүлэмжийн хийг бууруулах талаар авах арга хэмжээний тухай зэрэг олон асуудал хэлэлцэхээр товложээ. 

Мөн Нийслэлийн 2025 оны төсвийн эхний хэлэлцүүлгийг хийхээр төлөвлөж захирамж гаргасан байв. Уг төсөвт олон нийтийн анхаарлыг татаад буй авто тээврийн болон өөрөө явагч хэрэгслийн албан татварын хувь хэмжээг шинэчлэн батлах тухай, Авто зам ашигласны төлбөрийн хэмжээг шинэчлэн батлах тухай зэрэг асуудал багтсан юм. 

Гэвч 11.00 цагт товлосон хурал одоог хүртэл эхлээгүй байна.