Эргэлтээр очсон найз бүсгүйтэйгээ үнсэлцээд хоригдол залуу амиа алджээ

Германы шоронд 20 орчим насны хоригдол зочилж буй найз охиноо үнсэж хар тамхи хууль бусаар хил давуулахыг завдсаны дараа хэтрүүлэн хэрэглэснээс болж нас баржээ.

Британийн “The Sun” сонины мэдээлснээр, энэ оны 1-р сард Германы Лейпцигийн шоронд хар тамхи хууль бусаар хил давуулах хэргээр хоригдож байсан Тунисын иргэн Мохамед (23) хар тамхи хэтрүүлэн хэрэглэснээс болж нас барсан байжээ.

Мөрдөн байцаалтын явцад түүний үхлийн шалтгаан нь найз охинтойгоо уулзах үеэрээ үнсэлцэж хар тамхи хууль бусаар хэрэглэсэн явдал болохыг тогтоожээ. Тухайн үед түүний найз охин Лаура амандаа болон хэлэн доороо тугалган цаасанд ороосон метамфетаминыг нуун хамгаалалтын цэгээс өнгөрч, хоригдож буй  Мохамед-тэй үнсэлцэж дамжуулж байгаад баригджээ. Гэсэн хэдий ч Мохамед нэлээдгүй хэсгийг залгиж, маргааш нь нас барсан байдалтай олджээ.
Гэрчүүдийн мэдээлснээр Мохамед ер бусын шинж тэмдэг илэрч эхлэхэд ойролцоох хоригдлууд түүнийг яаралтай эмнэлгийн тусламж авахыг шаардсан боловч тэр татгалзсан гэж мэдээлжээ. Задлан шинжилгээгээр мансууруулах бодис хийсэн байсан сав баглаа боодол нь ходоодонд нь хагарч, зүрхний шигдээс болсон нь тогтоогджээ.

Лаураг Мохамедын үхэлтэй холбогдуулан шүүх хурлыг нь төлөвлөж байгаа аж. Энэ явдлын дараа Германы шоронгийн удирдлагууд эргэлтийн журамд өөрчлөлт оруулж, аюулгүй байдлын системийг цогцоор нь хянадаг болжээ.