АНУ-ын цэргийнхэн 30 гаруй хоногийн өмнөөс Ираны эсрэг цэргийн ажиллагаа явуулахаар бэлтгэж байжээ

АНУ-ын Батлан хамгаалах яам Ерөнхийлөгч Дональд Трампын Ираны эсрэг "EPIC FURY" нэртэй томоохон хэмжээний агаарын цохилтын ажиллагааны эцсийн тушаалыг өнгөрсөн сарын 27 - ны өдрийн 15:38 цагт өгсөн бөгөөд АНУ-ын цэргийнхэн уг ажиллагаа эхлэхээс 30 гаруй хоногийн өмнө Ираны эсрэг цэргийн ажиллагаа явуулахаар бэлтгэж байсан гэж мэдэгдэв.

Пентагонд хийсэн хэвлэлийн бага хурлын үеэр Зэвсэгт хүчний штабын дарга нарын нэгдсэн хорооны дарга Дан Кайн “Өнгөрсөн сарын 27-нд АНУ-ын Төв командлал Ерөнхийлөгч Трампын Батлан хамгаалахын сайдаар дамжуулан цэргийн ажиллагааны тушаалыг хүлээн авсан” гэж мэдэгдэв.

Ерөнхийлөгч Трампын тушаалд "EPIC FURY"  ажиллагаа зөвшөөрөгдсөн. Амжилт хүсье” гэж бичсэн байв.

Дан Кайний хэлснээр, Ерөнхийлөгч Трампын довтлох нууц тушаалыг хүлээн авсны дараа АНУ-ын цэргийнхэн 28-ны өдрийн 09:45 цагт  ажиллагаа эхэлмэгц Кибер командлал болон Сансрын командлал Ираны агаарын хяналт, холбооны байгууламжийг холбоо мэдээллийг тасалдуулсан. 

Ираны хяналтын системийг идэвхгүй болгосны дараа Ойрхи Дорнодод байрлуулсан АНУ-ын томоохон цэргийн баазуудыг оролцуулан хоёр нисэх онгоц тээгч байлдааны бүлгээс 100 гаруй сөнөөгч онгоц, бөмбөгдөгч онгоц, нисгэгчгүй онгоцыг нэгэн зэрэг хөөргөсөн.

Агаарын цэргийн хүчний гол хүч хөдөлж байх үед Ойрхи Дорнодод байрлуулсан тэнгисийн цэргийн хөлөг онгоцууд Ираны өмнөд хэсгийн хуурай замын хүчин рүү чиглэсэн Томагавк пуужингаар нарийн цохилт өгч эхэлсэн. Довтлох тушаал гарснаас хойш 24 цагийн дотор 1000 гаруй байг далайгаас харвасан пуужингаар устгасан. Сүүлийн хоёр өдрийн хугацаанд АНУ-Израилийн хамтарсан хүчин Иран руу хэдэн мянган их бууны сум харвасан.

АНУ-ын Иранд хийсэн томоохон агаарын цохилтод АНУ-ын эх газраас байршуулсан B-2 стратегийн бөмбөгдөгч онгоцууд багтсан нь анхаарал татаж байна. B-2 бөмбөгдөгч онгоцууд Ираны өмнөд фронтод байрлах газар доорх гол байгууламжуудад нарийвчлалтай бөмбөгдөлтийн ажиллагаа явуулсан.

Дан Кайн "Ажиллагааны эхний үе шатнаас эхлэн CENTCOM нь дайснаа төөрөгдүүлэхийн тулд Ираны командлал, хяналтын дэд бүтэц, тэнгисийн цэргийн хүчин, баллистик пуужингийн байгууламж, мэдээллийн дэд бүтцүүдэд системтэйгээр цохилт өгөхөд анхаарлаа хандуулсан" гэв.

Тэрбээр "Ялангуяа сансрын болон кибер ажиллагааны холболт үйл ажиллагааны харилцаа холбоо, сүлжээг тасалдуулж хариу үйлдэл үзүүлэх боломжгүй болгож, АНУ- ын агаарын давуу байдлыг бий болгосон" гэж нэмж хэлэв.