IRGC: Бид Ормузын хоолойгоор нэвтрэхийг оролдож буй бүх хөлөг онгоцыг шатаах болно

Ираны элит Исламын Хувьсгалт Гвардийн Корпус (IRGC) Ормузын хоолойгоор нэвтрэхийг оролдож буй хөлөг онгоцнуудад халдана гэж сүрдүүлжээ.

ТАСС-ын мэдээлснээр, IRGC- ийн командлагчийн туслах, хошууч генерал Эбрахим Жаббари "Бид Ормузын хоолойгоор нэвтрэхийг оролдож буй бүх хөлөг онгоцыг шатаах болно" гэж анхааруулсан байна.

Тэрбээр "Бид энэ бүс нутгаас нэг ч дусал газрын тос ч гарахыг зөвшөөрөхгүй" гэжээ. АНУ болон Израилийн Иран руу хийсэн дайралтын дараа IRGC одоогоор Ормузын хоолойг хаасан байдалтай байна.

Ормузын хоолой нь дэлхийн далайн түүхий газрын тосны тээвэрлэлтийн ойролцоогоор 20% нь дамждаг гол стратегийн цэг юм. Ойрхи Дорнодын газрын тос үйлдвэрлэгч орнуудаас гаралтай түүхий газрын тос, хий нь Ази, Европ руу чиглэсэн энэхүү гол далайн замаар дамждаг тул далайн тээврийн аливаа тасалдал нь дэлхийн түүхий газрын тосны нийлүүлэлтийн тогтворгүй байдал, үнийн өсөлтөд хүргэх юм.