The HU хамтлаг алдарт One Piece анимийн Live Action-ийн хоёрдугаар улирлын дууг дуулжээ

Монголын алтан гэрчилгээтэй ардын метал хөгжмийн The HU хамтлаг дэлхийн алдартай жүжигчин Деклан де Барратай хамтран шинэ дуу бүтээжээ. Тэд Соня Белоусова, Жиона Остинелли нарын зохиосон “Pray To The Sun” бүтээлийг туурвисан бөгөөд энэхүү дуу нь One Piece анимэ, манга франчайзын амьд үйл явдлын дасан зохицсон хувилбарын хоёрдугаар улиралд зориулсан байна.

One Piece-ийн хоёрдугаар бүлгийн нээлт 3-р сарын 10-нд кино театруудад болон Netflix дээр нэгэн зэрэг хийхээр төлөвлөгджээ.

Соня Белоусова, Жиона Остинелли нар The HU-г төсөлд оруулахаар шийдсэн тухайгаа хэлэхдээ:
"Бид The HU хамтлагийг олон жилийн турш биширч, хамтран ажиллах зөв төслийг хүлээж байсан. Тэдний эртний Монголын уламжлал болон орчин үеийн метал хөгжмийн нэгдэл нь Элбафын хоёр Викинг аваргатай төгс зохицсон мэт санагдаж, 'Pray to the Sun' дууг сэтгэл хөдөлгөм, орчин үеийн мэт сэтгэгдэл төрүүлж, дуу болон түүний дүрүүдийг өвөрмөц хоолой, хөгжмийн зэмсгийн өнгө аясаар нь тодорхойлсон."

Энэхүү хамтын бүтээл нь Монголын уламжлалт аялгуу, орчин үеийн метал хөгжмийн өвөрмөц нэгдлийг дэлхийн алдартай анимэ франчайзтай хослуулан үзэгчдэд шинэ туршлага өгөхөөр зорьжээ.

 

Эх сурвалж: One Piece Wiki