Газрын тосны томоохон 4 компанид Прокурорын газар нэгжлэг хийжээ

Прокурорын газар өнөөдөр буюу 23-нд газрын тосны дөрвөн томоохон боловсруулах үйлдвэрт нэгжлэг хийж, нотлох баримт цуглуулах ажиллагаа эхлүүлжээ. Энэ нь БНСУ-ын Ерөнхийлөгч Ли Жэ Мён энэ сарын 17-ны өдрийн Засгийн газрын хуралдааны үеэр зарим шатахуун түгээх станцуудыг газрын тосны үнэ өссөн гэсэн нэрийдлээр борлуулалтын үнээ нэмсэн гэж шүүмжилснээс хойш зургаан хоногийн дараа болж буй үйл явдал юм.

Сөүлийн төв прокурорын газрын Мөрдөн байцаах хэлтсийн  Ерөнхий прокурор На Хи Сок өнөөдөр өглөө 09 цагийн орчимд дөрвөн томоохон газрын тос боловсруулах үйлдвэр болох SK Energy, GS Caltex, S-OIL, HDHyundai Oilbank-д мөрдөн байцаалт эхлүүлсэн байна. 

Ойрхи Дорнодын дайны нөхцөл байдлын улмаас газрын тосны үнэ огцом өсөж, үүнийг далимдуулан тус компаниуд борлуулалтын үнээ нэмж, иргэдэд хохирол учруулсан, үнэ өсгөх залилан мэхлэлтийг зогсоох арга хэмжээ авсан эхэлжээ.

Солонгосын засгийн газар газрын тосны үнийг тогтворжуулахын тулд бүх хүчээ дайчлан ажиллаж байсан бөгөөд үүнд энэ сарын 13-ны өдөр газрын тосны үнийн дээд хязгаарыг тогтоож,  хэрэгжүүлэх үүрэг өгсөн.

Мөн  БНСУ-ын Хууль зүйн яам энэ сарын 6-ны өдөр газрын тосны бүтээгдэхүүний үнэ өсөлтийн хуйвалдааныг "нийгмийн эсрэг ноцтой гэмт хэрэг" гэж тодорхойлж, прокурорын газарт хатуу хариу арга хэмжээ авахыг үүрэг болгосон.