Дональд Трампын Ирантай хийх хэлэлцээрийн цаг дууслаа

Ройтерс агентлаг Ираны нэрээ нууцалсан өндөр албан тушаалтныг иш татан мэдээлэхдээ, Ираны засгийн газар АНУ-ын Ерөнхийлөгч Дональд Трампын тогтоосон хэлэлцээрийн хугацаанаас өмнө Пакистаны зуучлагчийн "хоёр долоо хоногийн гал зогсоох санал"-ыг эерэгээр авч үзэж байгаа гэж мэдэгджээ.

Өнөөдөр Пакистаны Ерөнхий сайд Шебаз Шариф X дээр "Би АНУ-ын Ерөнхийлөгч Дональд Трампаас дипломат ажиллагааг үргэлжлүүлэхийн тулд хугацааг хоёр долоо хоногоор сунгах хүсэлтийг чин сэтгэлээсээ хүсэж байна" гэж бичжээ.

Ерөнхий сайд Шариф Иранаас Ормузын хоолойг хоёр долоо хоног нээхийг хүссэн.

Ерөнхийлөгч Дональд Трампын тогтоосон хэлэлцээрийн хугацаа нь 7-ны өдрийн зүүн эргийн цагаар 20:00 цагт (Улаанбаатарын цагаар өнөөдөр буюу 8-ны өдрийн өглөөний 08:00 цагт) дуусна.