Хогны машинд ачиж явсан махыг устгалд оруулжээ

Орхон аймгийн Мал эмнэлгийн газраас олон нийтийн сүлжээнд нийтлэгдсэн мэдээллийн мөрөөр хяналт шалгалт явуулж, хог тээврийн зориулалтын машинаар мах тээвэрлэсэн иргэнийг илрүүлэн холбогдох арга хэмжээг авчээ.

Тодруулбал, аймгийн Цагдаагийн газартай хамтран төлөвлөгөөт бус хяналт шалгалт зохион байгуулсан байна.

Шалгалтын явцад тус тээврийн хэрэгслээр зөөвөрлөсөн мах нь хүнсний аюулгүй байдлын шаардлага хангаагүй, хадгалалтын нөхцөл алдагдсан, гадны бохирдолд өртсөн нь тогтоогджээ.

Иймд уг махыг хүнсэнд хэрэглэх боломжгүй гэж үзэн холбогдох журмын дагуу зориулалтын цэгт устгалд оруулсан байна.