₮18.3 тэрбумаар 16-18 насны нэг хүүхдэд 100 мянган төгрөгийн үзвэр үзүүлж, соёлын дархлааг бий болгоно

Соёлын сайдын 18.3 тэрбум төгрөгийн ваучертай холбогдуулан соёлын салбарынхан Төрийн ордонд мэдээлэл хийлээ. 

Тэрбээр "18.3 тэрбум төгрөгийг яаж тооцоолж гаргасан бэ гэхээр улсын хэмжээнд 16-18 насны 183 мянган хүүхэд, залуучууд бий. Энэ тоог 100 мянган төгрөгөөр үржүүлж гаргасан тоо. 

Соёлын эрхийн бичгийн аппликэйшнийг бий болгож байгаа. Энэхүү аппликэйшн нь оффлайн хэлбэрт ажилладаг. Энэ аппликэйшн нь Имонголиа платформтой холбогдож Соёл, спорт, аялал жуулчлал залуучуудын яамнаас хэрэгжүүлж байгаа бодлогын контент, бүтээгдэхүүн үйлчилгээнүүдийг нэгдсэн бодлогоор хүргэхийг зорьж байна. Ингэснээр 16-18 насны хүүхдүүд эх орондоо хайртай, өв уламжлал, түүх соёлоо мэддэг Монгол Улсын иргэнийг бэлтгэн гаргахад зориулагдсан бүтээгдэхүүн юм. 

Дараах бүтээгдэхүүнүүд багтана. Үүнд:
-Виртуал музей,
-Цахим номын сан болон биет ном авч унших,
-Музей, театрын үзвэр үзэх.

Уг аппликэйшнийг ашиглах боломжгүй, амьдралын бололцоогүй хүүхдүүдэд цаасан хэлбэрээр ваучер олгоно. 
Аппликэйшний хөгжүүлэлтийг хийж байгаа. 2025 оны нэгдүгээр сарын 1-нээс ашиглалтад орно" гэлээ.