Монголын сонсогч М.Бат-Эрдэнэ гардан тулааны дэлхийн аваргаас 3 медаль хүртлээ

ОХУ-ын Москва хотноо Гардан тулааны залуучуудын дэлхийн аварга шалгаруулах тэмцээн болон насанд хүрэгчдийн дэлхийн цомын аварга шалгаруулах тэмцээн энэ сарын 14–18-ны өдрүүдэд амжилттай зохион байгуулагдаж, дэлхийн 14 улсын 260 гаруй тамирчин оролцон төрөл бүрийн ангилалд өрсөлдөн шилдгүүдээ тодруулжээ. 

Энэ тэмцээнд Онцгой байдлын сургуулийн 631 дүгээр дамжааны сонсогч М.Бат-Эрдэнэ амжилттай оролцож, залуучуудын ангилалд алтан медаль, насанд хүрэгчдийн ангилалд хүрэл медаль, “1+1” төрөлд мөнгөн медаль хүртжээ.