АНУ-ын цэргийнхэн Ираны эсрэг дайралт эхлүүлснээ зарлав

АНУ-ын Төв командлал X ( өмнө нь Твиттер) хаягаараа "Бид өнөөдөр 17:00 цагаас (АНУ-ын зүүн цагаар; Монголын цагаар 10-ны өглөөний 05:00 цагт) эхлэн Ираны эсрэг өөрийгөө хамгаалах дайралт эхлүүллээ" гэж мэдэгдэв.

Төв командлал энэ дайралтыг "өчигдөр АНУ-ын армийн Апачи нисдэг тэргийг сөнөөсний хариу үйлдэл" гэж онцолж, "энэ ажиллагаа нь Ираны үндэслэлгүй түрэмгийлэлд хариу үйлдэл үзүүлж байна" гэжээ.

Нью Йорк Таймс болон бусад хэвлэл мэдээллийн хэрэгслүүд АНУ-ын армийн Апачи нисдэг тэргийг өмнөх шөнө Ормузын хоолойд эргүүл хийж байхдаа Ираны нисгэгчгүй онгоцны дайралтад унагасан боловч хоёр нисгэгчийг аюулгүй аварсан гэж мэдээлсэн. Ерөнхийлөгч Дональд Трамп TruthSocial
нийгмийн сүлжээний платформоор дамжуулан хариу арга хэмжээ авахаа цухуйлгаж, "АНУ энэ дайралтад зайлшгүй хариу өгөх ёстой" гэж мэдэгдэв. 

Ерөнхийлөгч Трампын олон нийтийн мэдээллийн хэрэгслээр нийтэлсэн постын дараа Ираны төрийн хэвлэл мэдээллийн хэрэгслүүд Ираны эх сурвалжуудыг иш татан мэдээлснээр, АНУ нисдэг тэрэгний ослын нэрээр дайсагнасан үйлдлээ үргэлжлүүлбэл Иран хатуу хариу арга хэмжээ авна гэж мэдэгджээ. 

CNN-ийн мэдээлснээр, хагас албан ёсны Мехр мэдээллийн агентлаг орон нутгийн цагаар 9-ний өдөр өмнөд эргийн Сирик хот, мөн Ормузын хоолойн ойролцоох Бандар Аббас, Кишум арал дээр дэлбэрэлтийн чимээ сонсогдсон гэж мэдээлсэн. Мехр мөн Минаб хотод сонсогдсон дэлбэрэлт Минаб дүүрэгт биш, харин Ормузын хоолойтой хиллэдэг эргийн бүсэд гарсан гэж мэдээлсэн. Түүнчлэн, Исламын хувьсгалт харуулын корпус (IRGC) нь тус бүс нутаг дахь АНУ-ын цэргийн байнууд руу пуужин, нисгэгчгүй онгоц харвана гэж Телеграм постоор дамжуулан мэдэгдсэн гэж мэдээлсэн. Энэхүү мэдэгдэл нь АНУ-ын армийн нисдэг тэрэг унасны хариуд Ираны эсрэг хариу цохилт өгч байгаагаа мэдэгдсэний дараа гарсан юм.