2026 оны нүүрсний экспорт 8 сая тонныг давлаа

“Эрдэнэс Тавантолгой” ХК 2026 оны гуравдугаар сарын 18-ны өдрийн байдлаар нийт 8 сая тонн нүүрс экспортолж, оны эхний улирлын экспортын гүйцэтгэлээ өндөр үзүүлэлттэй үргэлжлүүлж байна.

Нийт экспортын хэмжээнээс:

• Гашуунсухайт боомтоор 6.7 сая тонн буюу 83 хувь,
• Ханги боомтоор 1.36 сая тонн буюу 17 хувь-ийг тус тус экспортоллоо.

Компанийн зүгээс экспортыг нэмэгдүүлэх, тээвэр логистикийн зохион байгуулалтыг сайжруулах чиглэлээр үе шаттай хэрэгжүүлсэн арга хэмжээний үр дүнд экспортын хэмжээ өмнөх оны мөн үеэс 2.9 сая тонн буюу 56 хувиар өссөн үзүүлэлттэй байна.

Экспортын тогтвортой өсөлт нь уурхайн олборлолт, нүүрс ачилт, тээвэрлэлтийн уялдаа холбоо сайжирч, экспортын хүчин чадал нэмэгдсэнийг илтгэж байна.