Трамп: Бид томоохон хэмжээний дайралт хийх талаар бодож байна

АНУ-ын Ерөнхийлөгч Дональд Трамп Иранд томоохон хэмжээний дайралт хийх талаар бодож байгаагаа мэдэгдэж, шийдвэр гаргахад ойрхон байгаагаа мэдэгдэв.

Ерөнхийлөгч Трамп Axios-д өгсөн ярилцлагадаа "Бид томоохон хэмжээний дайралт хийх талаар бодож байна. Өмнөхөөсөө илүү том дайралт" гэж хэлээд "Бид шийдвэр гаргахад ойрхон байна. Бид бүрэн бэлтгэлтэй байна" гэжээ. 

Axios-ын мэдээлснээр, Трампын үг нь Ираны эсрэг хийсэн “Epic Fury” ажиллагаас илүү өргөн хүрээтэй дайралт хийх санаатай байгааг харуулж байна. Гэсэн хэдий ч Ерөнхийлөгч Трамп шийдвэр гаргах хугацааг хэлээгүй. АНУ-ын засгийн газрын хоёр албан тушаалтан Axios-т одоогоор ямар ч шийдвэр гараагүй бөгөөд цэргийнхэнд шинэ тушаал өгөөгүй гэж мэдэгджээ.

Ерөнхийлөгч Трамп "Хэрэв би хэлвэл Израиль хоёр минутын дотор Иран руу хийх дайралтад нэгдэнэ" гэхдээ "Бидэндътэй хэн ч нэгдэх шаардлагагүй" гэжээ. Тэрбээр мөн хэрэв Израиль нэгдвэл Ираны хариу арга хэмжээ авах зэрэг "үр дагавар гарах болно" гэж анхааруулав. 

Тэрбээр Иран "хэлэлцээр хийхийг хүсэж байгаа ч" одоогоор тохиролцоонд хүрэхэд бэлэн биш байна гэж хэлсэн. Тэрбээр "Тэд хангалттай зовлон амсаагүй байна" гэж мэдэгджээ. 

Зуучлалын нөхцөл байдлыг сайн мэддэг бүс нутгийн эх сурвалжууд Axios-д Ираны удирдлага саяхны саналыг хүлээн аваагүй гэж мэдэгджээ. АНУ-ын Төрийн нарийн бичгийн дарга Марко Рубио мөн хатуу байр сууриа дахин нотолж, Иран үүний төлөөсийг төлөх болно гэж мэдэгдэж, Филиппинд болсон АСЕАН-ы дээд хэмжээний уулзалтын үеэр үг хэлэхдээ Ерөнхийлөгч Трампын Ираны бодлогыг "нүдийпг нүдээр гэж тодорхойлсон байна.

АНУ сүүлийн 12 хоногийн турш агаарын цохилтоо үргэлжлүүлж, Ормузын хоолойд худалдааны хөлөг онгоц руу чиглэсэн Ираны дайралтыг зогсоохоо амласан. Гэсэн хэдий ч Иран тус бүс нутагт халдлагаа эрчимжүүлсэн бөгөөд Йемен дэх Ираны дэмжлэгтэй Хусит босогчид Улаан тэнгист Саудын Арабын хөлөг онгоц руу халдсанаар байдал хурцадмал байдалд санаа зовж байна.

Ерөнхийлөгч Трамп олон нийтийн мэдээллийн хэрэгслийн платформ болох TruthSocial-аар дамжуулан хэрэв Хуситууд Улаан тэнгист хөлөг онгоц руу дахин халдвал "АНУ Ираны хариуцлага гэж үзнэ" гэж анхааруулсан. Тэрбээр Хуситуудыг Ираны төлөөллийн хүч гэж тодорхойлж, "Иран болон Хуситуудын аль алинд нь цэргийн томоохон хариу арга хэмжээ авах болно" гэж мэдэгджээ.