Jungkook YouTube Music дээр шинэ рекорд тогтоолоо

BTS хамтлагийн Jungkook YouTube Music дээр 500 саяас дээш сонсогдсон дөрвөн дуутай болсон анхны K-pop соло уран бүтээлчдийн нэг болж, шинэ амжилт тогтоолоо.

Шүтэн бишрэгч ARMY нарынхаа дунд “Golden Maknae” хэмээн алдаршсан Jungkook-ийн “Standing Next to You” дуу YouTube Music дээр 500 сая үзэлтийг давж, “Seven (feat. Latto)”, “3D (feat. Jack Harlow)” болон Charlie Puth-тэй хамтарсан “Left and Right” дуунуудын эгнээнд нэмэгдсэн байна.

“Standing Next to You” нь Jungkook-ийн анхны соло цомог болох “GOLDEN”-ийн гол дуу бөгөөд Billboard Hot 100 жагсаалтад 5-р байрт дебют хийж, Billboard Global 200 болон Global Excl. US жагсаалтыг тэргүүлж байжээ. Мөн уг дуу Spotify дээр 1.5 тэрбум гаруй стриймтэй болоод байна.

Ингэснээр Jungkook-ийн 500 саяас дээш сонсогдсон дууны тоо дөрөв болж, соло уран бүтээлчийн хувьд шинэ амжилтыг үзүүллээ.