LISA “Dream” дуугаараа MTV VMA-ээс “Шилдэг поп уран бүтээл” шагнал хүртжээ

BLACKPINK хамтлагийн гишүүн LISA 2026 оны MTV Video Music Awards-аас “Best Pop” буюу “Шилдэг поп уран бүтээл” төрөлд олгодог Moon Person шагналыг хүртжээ.

9-р сарын 27-ны орой Лос-Анжелес хотын Peacock Theater-т болсон шагнал гардуулах ёслолын үеэр LISA-гийн Японы жүжигчин Кэнтаро Сакагүчитэй хамтран гаргасан “Dream” дуу “Best Pop” төрөлд шалгарч, тэрбээр тайзан дээр гарч шагналаа гардан үеэрээ нулимс дуслуулжээ.

 

Шагналаа авах үеэр LISA сэтгэл хөдөлж, нулимс дуслуулан:

“Энэхүү гайхалтай шагналыг өгсөн MTV-д баярлалаа. Намайг энд авчирсан бүх шөнийн мөрөөдөлдөө баярлалаа. Ялангуяа миний Lilies-д баярлалаа. Та нар байгаагүй бол би энд байхгүй байх байсан” хэмээн хэлжээ.

LISA “Best Pop” төрөлд Ariana Grande, Olivia Rodrigo, Charli XCX, Taylor Swift зэрэг уран бүтээлчидтэй өрсөлдсөн байна.

Тэрбээр энэ жилийн MTV VMAs-аас “Best K-pop”, “Best Cinematography” зэрэг бусад төрөлд мөн нэр дэвшжээ.

“Dream” дуу нь LISA-гийн 2025 оны хоёрдугаар сард гаргасан анхны студийн цомог “Alter Ego”-д багтдаг. Тус дуу Японы Heatseekers Songs чартад 16 дугаар байр, Japan Hot Shot Songs чартад 20 дугаар байрт тус тус хүрч байжээ. Мөн “Dream” дууны богино хэмжээний кинонд LISA болон Японы жүжигчин Кэнтаро Сакагүчи нар тоглосон бөгөөд найруулагчаар Ожүн Квон ажилласан байна.

LISA 2026 онд “Press Play” нэртэй EP-гээ мөн гаргасан. Харин “Alter Ego” цомгийн “When I’m With You” (Tyla-тай хамтарсан), “Rapunzel” (Megan Thee Stallion-тай хамтарсан), “Elastigirl” зэрэг дуунууд нь мөн олны анхаарлыг татсан юм.

Энэ нь LISA-гийн MTV VMA-ийн түүхэн дэх анхны шагнал биш. Тэрээр 2025 онд Doja Cat болон RAYE нартай хамтарсан “Born Again” дуугаараа “Best K-pop” төрөлд шагнал хүртсэн бөгөөд өмнө нь “Lalisa” болон “Rockstar” бүтээлүүдээрээ мөн тус төрөлд ялалт байгуулж байжээ.