МУГТ Э.Цэндбаатар мэргэжлийн боксын 16 дахь тулаанаа маргааш хийнэ

Монгол Улсын гавьяат тамирчин, мэргэжлийн боксын тамирчин Эрдэнэбатын Цэндбаатар маргааш буюу арваннэгдүгээр сарын 13-нд Тажикистаны боксчин Мухаммадхужа Якубовтой тулалдана.

Тулаан АНУ-ын Техас мужийн Эль-Пасо хотын “County Coliseum” ордонд болох бөгөөд Э.Цэндбаатарын мэргэжлийн боксын 16 дахь тулаан юм.

Тулаан АНУ-ын орон нутгийн цагаар арваннэгдүгээр сарын 13-ны баасан гарагийн орой эхлэх хуваарьтай. Харин Монголын цагаар арваннэгдүгээр сарын 14-ний бямба гарагийн өглөө 08:00-09:00 цагийн орчимд үндсэн тулаанууд эхлэхээр байна.

Тэд WBC USA холбооны супер хөнгөн жингийн буюу 130 фунт (58.97 кг)-ийн аваргын бүсний төлөө 10 раунд тулалдах юм.

Монголын боксын хөгжөөн дэмжигчдийн анхаарлыг татаж буй энэхүү тулаанаар Э.Цэндбаатар мэргэжлийн боксын рингэнд ээлжит ялалтаа байгуулахыг зорьж байна.