T.O.P болон Nana үерхэж буйгаа албан ёсоор баталлаа

BIGBANG хамтлагийн гишүүн T.O.P болон жүжигчин Nana нар үерхэж байгаа нь албан ёсоор батлагдлаа.

Аравдугаар сарын 2-ны өдөр Dispatch агентлагийн мэдээлсний дараа хоёр уран бүтээлчийн харьяалагддаг агентлагууд тэдний харилцааг баталжээ.

T.O.P-ийн агентлагийн зүгээс тэд анх T.O.P-ийн дууны клипний зураг авалтын үеэр танилцсан бөгөөд энэ үеэс харилцаа нь дотносож, улмаар өнгөрсөн зургаадугаар сараас романтик харилцаа эхэлсэн хэмээн мэдэгдсэн байна.

Харин Nana-ийн агентлаг мөн адил тэд дууны клипний зураг авалтын үеэр танилцаж, одоогоор сайхан харилцаатай, аз жаргалтай үерхэж байгаа гэдгийг баталжээ.

Dispatch-ийн мэдээлснээр T.O.P болон Nana нар өнгөрсөн нэгдүгээр сард T.O.P-ийн “Studio54” дууны клипний зураг авалтын үеэр анх танилцсан байна. Тухайн үед T.O.P Nana-д өөрөө холбогдож, дууны клипэндээ тоглох санал тавьснаар тэд илүү дотно танилцаж эхэлжээ.

Ийнхүү олны таамаг дагуулж байсан хоёр уран бүтээлчийн харилцаа албан ёсоор батлагдлаа.