"Эрдэнэс Монгол" ХХК-ийн Азийн хөгжлийн банкнаас авсан ₮21.8 тэрбумын зээл "салхинд хийсжээ"

"Эрдэнэс Монгол" ХХК Азийн хөгжлийн банкнаас зээл авч, түүнийхээ 21 тэрбум 841 сая 600 мянган төгрөгийг зарцуулсан ч төсөл хэрэгжсэн эсэх нь тодорхойгүй үлджээ. 

Тодруулбал, аудитын дүгнэлтэд дурдсанаар  тус компани нь "байгууллагын бүтэц, удирдлагын чадавх, хөрөнгө оруулалтын чадавхыг сайжруулах" зорилгоор Засгийн газраас зээлийн баталгаа гаргуулан, 2016 онд Азийн хөгжлийн банкнаас 35.0 сая ам.долларын зээл авахаар гэрээ байгуулсан байна.

Төсөл, хөтөлбөр хэрэгжих хугацаанд,

-Зээлийн баталгааны шимтгэлд 10 тэрбум 529 сая 900 мянган төгрөг,

-Бие даасан зөвлөхүүдэд 5 тэрбум 722 сая 100 мянган төгрөг,

-Зөвлөх фирмүүдэд 4 тэрбум 247 сая 800 мянган төгрөг гээд нийт 9.4 сая ам.доллар буюу 21 тэрбум 841 сая 600 мянган төгрөгийг шилжүүлжээ.

Гэвч компанийн бүтэц болон удирдлага төсөл хэрэгжих явцад удаа дараа солигдсоны улмаас төслийн зорилго, зорилт хэрэгжсэн эсэх, компанийн үйл ажиллагаанд үр өгөөжөө өгч, бодитой үр дүнг бий болгосон эсэх нь тодорхойгүй байна.