Зэвсэгт хүний 339, 341, 342 дугаар ангиуд хүдэр бутлах, хөрс хуулалтын ажлыг гүйцэтгэж байна

Барилга-инженерийн цэргийн удирдах газрын харьяа Зэвсэгт хүний 339, 341, 342 дугаар ангиуд хүдэр бутлах, хөрс хуулалтын ажлыг гүйцэтгэж байна.

Зэвсэгт хүчний 341 дүгээр ангийн бие бүрэлдэхүүн Говь-Алтай аймгийн Төгрөг сумын нутагт байрлах Хүрэн голын нүүрсний уурхайн "Хөрс хуулалт"-ын ажлыг 08 дугаар сарын 01-ний өдрөөс эхлэн гүйцэтгэж байна. Уг төсөл хөтөлбөр нь 1 жилийн хугацаатай үргэлжлэх юм. Одоогийн байдлаар 47000м.куб хөрс хуулалт хийгээд байна.

Мөн Зэвсэгт хүний 339, 341, 342 дугаар ангиудын томилгоот бие бүрэлдэхүүн Говь-Алтай аймгийн Есөн булаг суманд байрлах "Хан-Алтай Ресурс" ХХК -ийн уул уурхайн үйлдвэрлэлийн хүдэр бутлах ажлыг 5 дугаар сарын 28-ны өдрөөс эхлүүлж, төслийн хүрээнд чулуу бутлуурын суурин үйлдвэрүүдийг төслийн талбайд нүүлгэн шилжүүлэх, угсралт зэргийг амжилттай гүйцэтгээд байна. Одоогийн байдлаар өдөр, шөнийн 2 ээлжээр ажиллан 82 мянган тонн хүдэр бутлан тээвэрлээд байна.

Төсөлд оролцож буй нийт бие бүрэлдэхүүн "Уурхайн чиг баримжаа олгох сургалт", "өндөр эрсдэлийн менежментийн сургалт", томилгоот бүрэлдэхүүн жолооч операторуудын сургалт, тусгаарлалтын сургалтуудад хамрагдан төслийн талбайд ажиллаж, давхар мэргэжил эзэмшиж байна.