Аюулгүй байдлын нөхцөл байдал өөрчлөгдсөн тул Герман болон түүний НАТО-гийн холбоотнууд болох Европын улсууд батлан хамгаалах зардлаа нэмэгдүүлж байгаа билээ. Тэгвэл “Internationale Politik” сэтгүүлийн захиалгаар олон нийтийн санаа бодлыг судлах “Forsa” хүрээлэн уг асуудлаар явуулсан санал асуулгад оролцогчдын 68 хувь нь батлан хамгаалах зардлаа нэмэгдүүлж буй явдлыг дэмжсэн байна.
Харин энэхүү судалгаанд оролцогчдын 29 хувь нь батлан хамгаалахын зардлыг нэмэгдүүлэхийг эсэргүүцжээ. Улс төрийн намуудын төлөөллийн хувьд сөрөг хүчний Христийн ардчилсан холбоо /Христийн нийгмийн холбоо эвслийг дэмжигчдийн дунд санал асуулгад оролцогчдын 90 хувь нь батлан хамгаалах зардлыг нэмэгдүүлэхийг дэмжсэн байна.
Ийм байр суурьтай санал асуулгад оролцогчдын хамгийн цөөнх нь Германы төлөөх альтернатив барууны популист намыг дэмжигчид байжээ. Харин Германы Социал Демократ Намд саналаа өгдөг судалгаанд оролцсон германчуудын 72 хувь нь цэргийн зардлаа нэмэгдүүлэхийг дэмжжээ. Мөн Ногоон намыг дэмжигчидийн 75 хувь, Чөлөөт Ардчилсан намын 88 хувь нь батлан хамгаалах зардлаа нэмэгдүүлснийг дэмжсэн байна.
Г.АМАРСАНАА
