“Соёлын сэргэлт-2023” аяны төвийн бүсийн Сэлэнгэ аймаг дахь нээлт өнөөдөр (2023.06.05) зохион байгуулагдлаа. Нээлтийн үйл ажиллагааг аймгийн Засаг дарга Н. Лхагвадорж нээж, Соёлын яамны Урлаг, уран бүтээлийн бодлогын хэрэгжилтийг зохицуулах газрын дарга Б.Сэргэлэн Соёлын сайд Ч.Номингийн мэндчилгээг уламжлсан юм.
Нээлтийн ажиллагааны үеэр Ардын багш, Соёлын гавьяат зүтгэлтэн, доктор, профессор Л.Дашням “Үндэсний нэгдмэл соёлын үнэ цэн” Байгалийн түүхийн музейн захирал И.Будбаяр “Монголчуудын ойрхи үеийн түүхийн ололт, амжилт, хэтийн төлөв” сэдвээр тус тус илтгэл танилцууллаа.
Сэлэнгэ нутаг нь монголчууд бидний төдийгүй гадаадын жуулчдын сонирхлыг татдаг байгалийн үзэсгэлэнт газартай, ховор ан амьтан элбэг, байгальд ээлтэй аймаг юм.
“Байгалийг ойроос” нүүдлийн бэсрэг үзэсгэлэн “Танилцъя” амьтдын гэрэл зургийн үзэсгэлэн “Байгаль бидний гэр” гар зургийн үзэсгэлэн “Бяцхан палеонтологич”
“Амьтдын мөр” боловсролын хөтөлбөр, VR технологийн үзүүлэнг дэглэн үзүүлсэн нь онцлог байлаа. 
“Сэлэнгийн долгио” чуулгын уран бүтээлчид болон Сэлэнгэ нутгаас төрөн гарсан МУСТА, дуучин Б.Баттөр нар хамтарсан урлагийн тоглолтыг нутгийн ард түмэнд толилуулжээ.
“Сэлэнгийн долгио” чуулгын уран бүтээлчид болон Сэлэнгэ нутгаас төрөн гарсан МУСТА, дуучин Б.Баттөр нар хамтарсан урлагийн тоглолтыг нутгийн ард түмэнд толилуулжээ.
