Монгол Улс “Улаанбаатар 2023” Зүүн Азийн залуучуудын анхдугаар наадмыг наймдугаар сарын 16-наас 23-ны өдрүүдэд зохион байгуулахад бэлэн болжээ.
Энэхүү наадмын нээлтийн ёслолын үйл ажиллагаа маргааш буюу наймдугаар сарын 16-ны 20:23 цагаас Төв Цэнгэлдэх хүрээлэнд эхэлнэ. Өчигдөр орой тус наадмын нээлтийн үйл ажиллагааны урьдчилсан үзлэг, сургуулилт явагджээ.
Зохион байгуулагчид үзэгчдэд олон гэнэтийн бэлэг барихаар бэлтгэсэн бөгөөд эдгээрийг нээлтээрээ задлах юм байна.
“Улаанбаатар 2023” Зүүн Азийн залуучуудын наадмын нээлтийн ёслолын үйл ажиллагаа болон тэмцээний тасалбарыг TICKET.MN вэб сайтаас захиалах, мөн борлуулалтын цэгүүдээс худалдан авах боломжтой ажээ.
Э.ЭГШИГЛЭН
