Алтан цомын тэмцээний хэсгийн шатанд оноолт таарсан Увс болон Орхон аймгийн багууд хэсгийн хоёр дахь барилдаанаа хийлээ. Хоёр аваргаар ахлуулсан Увс нуур галын бөхчүүд өмнөх тойрогт өрсөлдөгчөө 17-8-р ялсан бол Орхон аймгийн эсрэг энэ амжилтаа бататгаж хоёр дахь ялалтаа авлаа.
Увс нуур галаас Даян аварга Н.Батсуурь Аймгийн Арслан Э.Мөнх-Эрдэнэ нар 4 даваа авч Аварга П.Бүрэнтөгс улсын начин О.Түмэн аймгийн арслан Л.Энхсаруул нар 3 даваа авч багаараа жигд амжилт үзүүлэн хэсгээс гарах нь тодорхой болж байна. Харин Орхон аймгийн багаас улсын начин Ө.Батзул 4 даваа авч Хурц арслан С.Сүхбат аймгийн арслан Ч.Мөнхбат нар хоёр давааг нэмэрлэв. Ингэснээр Орхон аймгийн баг хэсгээс гарах магадлал тун бага болж байна. Өмнөх барилдаандаа Завхан аймагт ялагдаад байгаа юм.