Олимпын нээлтийн ёслол зохион байгуулагч оронд өвөрмөц, гайхалтай үзүүлбэрээр дэлхийг гайхашруулах боломж олгодог. “Парис 2024” Олимпын наадмын нээлт яг л тийм байлаа.
Зохион байгуулагчид уламжлалт ёслолыг халж, нээлтийн арга хэмжээг цэнгэлдэх хүрээлэнд бус, хотыг бүхэлд нь хамруулан зохион байгуулсан анхны наадам болов.
Шөнийн тэнгэр, Эйфелийн цамхаг гайхалтай өнгөөр “солонгорч”, Сена голын эрэг дагуу олон мянган тамирчин, жүжигчин жагсаж, өвөрмөц “дүр төрх”-ийг бий болгосон.
Олны анхаарлыг эрхгүй татсан, гайхалтай гэрэл зургуудаас толилуулъя.
Грекээс Парис хүртэл гурван сарын турш аялсан Олимппын бамбарыг домогт хөлбөмбөгчин Зенидин Зидан, Олимпын есөн удаагийн аварга Карл Льюс, Олимпын таван удаагийн аварга Надя Коминич, Олимпын хошой аварга Дэвид Дулье, Клариссе Агбегноу, Олимпын дөрвөн удаагийн аварга Серена Уильямс, сагсан бөмбөгийн алдарт тамирчин Тони Паркер болон шилдэг тамирчин Рафаэль Надал, Амелие Мауресмо тэргүүтэй дэлхийн цуут тамирчид буухиалав.
Энэхүү арга хэмжээ нь Леди Гага, кабаре жүжигчид, балетын бүжигчид, акробатууд, Селин Дионы тоглолт гээд бүх төрлийн уран сайхны үзүүлбэрүүдээр дүүрэн байв.
Д.ТУЯА