Бүгд найрамдах Өмнөд Судан Улсад явагдаж буй НҮБ-ын “UNMISS” энхийг сахиулах ажиллагаанд оролцож үүргээ нэр төртэй гүйцэтгэсэн Монгол Улсын Зэвсэгт хүчний XIII ээлжийн цэргийн багийн нэгдүгээр ээлжийн энхийг сахиулагчид эх орондоо газардлаа.
Нэгдүгээр ээлжээр ирсэн энхийг сахиулагчдыг ЗХЖШ-ын нэгдүгээр орлогч дарга, бригадын генерал Ж.Өсөхбаяр, ЗХЖШ-ын ахлагч, тэргүүн ахлагч Н.Баасан тэргүүтэй албаныхан угтан авч, эх орныхоо өгсөн үүрэг даалгаврыг нэр төртэй гүйцэтгээд ирсэн офицер, ахлагч нарт баяр хүргэж, Монгол Улсын нэрийн өмнөөс талархал дэвшүүллээ.
ЗХЖШ-ын нэгдүгээр орлогч дарга, бригадын генерал Ж.Өсөхбаяр энхийг сахиулагчдад хандан “Энэ цагийн бахархалт дайчид минь эх орондоо таювтай морил” хэмээн хэлэв.
Э.ЭГШИГЛЭН